Germaniyaning Dyusseldorf shahrida shaxmat bo‘yicha nufuzli «WR Chess Masters» turnirida hamyurtimiz Nodirbek Abdusattorov bugun 4-tur doirasida hindistonlik Praggnanadhaga qarshi oq donalarda o‘ynadi.
O‘yin boshidanoq har ikki sportchi tengma-teng dona surishdi. Bahs davomida hech bir shaxmatchi xatoga yo‘l qo‘ymadi, shu bilan birgalikda, ustunlikni o‘z tomoniga og‘dira olmadi. Yakunda taxtadan bittadan ruh va shoh qolgach, o‘yin durang bilan yakunlandi.
Ushbu durang tufayli o‘zbekistonlik sportchi o‘z ochkolarini 2 taga yetkazdi va jadvalda 6-o‘rinni egallab turibdi. Bugungi barcha bahslar durang bilan yakunlanganini e’tirof etish joiz.
Abdusattorov ertaga 5-tur doirasida germaniyalik Vinsent Kaymerga qarshi qora donalarda o‘ynaydi.
