“Manchester Siti”ning birdaniga uchta futbolchisi Chempionlar ligasining ⅛ finalida “Leypsmg”ga qarshi o‘z jamoasining navbatdagi o‘yinini o‘tkazib yuborishi mumkin. Gap yarim himoyachi Kevin de Bryuyne, shuningdek, himoyachilar Kayl Uoker va Jon Stounz haqida ketmoqda.
Ro‘yxatda keltirilgan barcha futbolchilar "buqalar"ga qarshi o‘yin oldidan jamoaning bugungi mashg‘ulotlarida ishtirok etishmadi. Bu haqda jurnalist Jo Brey ijtimoiy tarmoqlarda xabar bermoqda.
De Bryuyne, Uoker va Stounz nega bugungi mashg‘ulotlarni o‘tkazib yuborgani hozircha noma’lum. Eslatib o‘tamiz, "Leypsig" - "Manchester Siti" uchrashuvi ertaga Toshkent vaqti bilan soat 01:00da bo‘lib o‘tadi.
