Tibo Kurtua, irqchilik haqoratlari Vinisiusni yanada kuchliroq bo‘lishga undashi kerakligini aytdi.
Mavsum davomida “Real” vingeri turli klublar muxlislari tomonidan haqoratlarga uchradi. La Liga mavsum davomida braziliyalik futbolchiga qarshi 8 ta irqchilik holatini qayd etdi.
“Hamma haqoratlardan keyin u diqqatini jamlay oldi va bu uni yanada kuchliroq qilgandir. Ilgari bunday voqealar uni o‘yindan chalg‘itardi, hozir esa bor e’tiborini o‘yinlarga qaratadigan holatga yetdi. Bu bizga g‘alaba qozonishimizda kerak bo‘lgan Vinisius.
Biz "Enfild"da ko‘rgan Vinisius - har bir o‘yinda bizga kerak bo‘lgan hislatlarini ko‘rsatdi", - deydi madridliklar darvozaboni.
