Polisiya Angliya Premyer-ligasining 26-turidan o‘rin olgan “Liverpul” – “Manchester Yunayted” (7:0) uchrashuvida maydonga yugurib chiqqan 16 yoshli muxlisni qo‘lga oldi. Bu haqda Sky Sports xabar bermoqda.
“Liverpul” futbolchilari yettinchi golni nishonlayotgan vaqtda o‘smir maydonga yugurib chiqdi va mezbonlar himoyachisi Endryu Robertson bilan to‘qnashib ketdi. "Liverpul" muxlisning harakatini qoralab, uning xatti-harakatlarini nomaqbul va xavfli deb atadi. Klub, shuningdek, muxlisga Angliya Premyer-ligasi stadionlariga tashrif buyurishdan bir umrlik cheklov qo‘yilishi kutilayotganini ma’lum qildi.
Mersisaydliklar bu mavsumda 25 o‘yindan so‘ng 42 ochko to‘plagan holda APLda beshinchi o‘rinni egallab turibdi. “Manchester Yunayted” 49 ochko bilan uchinchi o‘rinda bormoqda.
