Полиция Англия Премьер-лигасининг 26-туридан ўрин олган “Ливерпуль” – “Манчестер Юнайтед” (7:0) учрашувида майдонга югуриб чиққан 16 ёшли мухлисни қўлга олди. Бу ҳақда Sky Sports хабар бермоқда.
“Ливерпуль” футболчилари еттинчи голни нишонлаётган вақтда ўсмир майдонга югуриб чиқди ва мезбонлар ҳимоячиси Эндрю Робертсон билан тўқнашиб кетди. "Ливерпуль" мухлиснинг ҳаракатини қоралаб, унинг хатти-ҳаракатларини номақбул ва хавфли деб атади. Клуб, шунингдек, мухлисга Англия Премьер-лигаси стадионларига ташриф буюришдан бир умрлик чеклов қўйилиши кутилаётганини маълум қилди.
Мерсисайдликлар бу мавсумда 25 ўйиндан сўнг 42 очко тўплаган ҳолда АПЛда бешинчи ўринни эгаллаб турибди. “Манчестер Юнайтед” 49 очко билан учинчи ўринда бормоқда.
