Kataloniyaning “Barselona” klubi vingeri Usmon Dembele 19 martga belgilangan “Real”ga qarshi Ispaniya chempionatining 26-tur uchrashuvida jamoasiga yordam bera olmaydi.
RAC 1 xabariga ko‘ra, fransiyalik futbolchi La Liganing 19-turida "Jirona" bilan uchrashuvda olgan jarohatidan forig‘ bo‘lishga ulgurmayapti.
Dembele joriy mavsumda 18 ta o‘yinda maydonga tushib, 5 ta gol va 5 ta golli uzatmaga mualliflik qilgan.
La Liganing 24-turi natijalariga ko‘ra, "Barselona" 62 ochko bilan turnir jadvalida peshqadamlik qilmoqda. Xavi Ernandes shogirdlari ikkinchi o‘rindagi “Real Madrid”dan 9 ochko oldinda.
