Каталониянинг “Барселона” клуби вингери Усмон Дембеле 19 мартга белгиланган “Реал”га қарши Испания чемпионатининг 26-тур учрашувида жамоасига ёрдам бера олмайди.
RAC 1 хабарига кўра, франциялик футболчи Ла Лиганинг 19-турида "Жирона" билан учрашувда олган жароҳатидан фориғ бўлишга улгурмаяпти.
Дембеле жорий мавсумда 18 та ўйинда майдонга тушиб, 5 та гол ва 5 та голли узатмага муаллифлик қилган.
Ла Лиганинг 24-тури натижаларига кўра, "Барселона" 62 очко билан турнир жадвалида пешқадамлик қилмоқда. Хави Эрнандес шогирдлари иккинчи ўриндаги “Реал Мадрид”дан 9 очко олдинда.
