«Tottenxem» hujumchisi Xarri Keyn «Manchester Yunayted»ning transferlar ro‘yxatida birinchi o‘rinni egallab turibdi.

«Qizil iblislar» «shporlar» bilan shartnomasi 2024 yilda yakuniga yetadigan 29 yoshli futbolchiga da’vogar sifatida ko‘rildi.

The Guardian xabariga ko‘ra, aynan Keyn «Manchester Yunayted»ning yaqinlashib kelayotgan transfer oynasidagi asosiy maqsadi hisoblanadi.

Erik ten Xag o‘z jamoasida yangi hujumchini ko‘rishni istaydi, chunki Vegxorstning ijara muddati mavsum oxirida tugaydi.

Transfermarkt ma’lumotlariga ko‘ra, Xarri Keynning narxi 90 mln yevroni tashkil qiladi. Futbolchi joriy mavsumdagi 37 ta o‘yinda 20 ta gol urdi.