Londonning "Tottenxem" klubi hozircha "Barselona" markaziy himoyachisi Kleman Lengleni sotib olishga arziydimi yoki yo‘qligini bilmayapti.

Sport nashri xabariga ko‘ra, "shporlar" hozircha "ko‘k-anorranglilar" bilan muzokaralarni to‘xtatib qo‘ygan.

Muammo shundaki, "Tottenxem" hali bosh murabbiyi Antonio Kontening kelajagi haqidagi rejalaridan xabardor emas. Italiyalik murabbiy Lenglening ashaddiy muxlisi, biroq fakt shuki, mavsum oxirida murabbiyning shartnomasi tugaydi, bu shartnoma uzaytirilmasa kerak.

Lengle "Tottenxem"da ijara asosida o‘ynaydi. O‘tgan yozdan buyon fransiyalik futbolchi Premyer-ligada jamoa safida 16 ta o‘yin o‘tkazib, 2 ta golli uzatmani amalga oshirgan.