«Kristal Pelas» hujumchisi Uilfrid Zaxa joriy mavsum oxirida klubini o‘zgartirishi mumkin. Kot-d'Ivuarlikning amaldagi shartnomasi yakuniga yetadi, ya’ni 30 yoshli futbolchi erkin agent sifatida boshqa klubga o‘tishi mumkin.
Daily Mail nashrining yozishicha, Uilfrid Zaxa Saudiya Arabistonidan yaxshigina taklif olgan. «Al-Ittihod» klubi ivuarlik futbolchiga haftasiga 200 ming funt (226 ming yevro) maosh berishga tayyor.
Uilfrid Zaxa shu paytgacha Angliyadan tashqarida o‘ynamagan. «Kristal Pelas» safida hujumchi 452 ta o‘yin o‘tkazib, 89 ta gol urgan va 76 ta golli uzatmani amalga oshirgan.
