«Кристал Пэлас» ҳужумчиси Уильфрид Заха жорий мавсум охирида клубини ўзгартириши мумкин. Кот-д'Ивуарликнинг амалдаги шартномаси якунига етади, яъни 30 ёшли футболчи эркин агент сифатида бошқа клубга ўтиши мумкин.
Daily Mail нашрининг ёзишича, Уильфрид Заха Саудия Арабистонидан яхшигина таклиф олган. «Ал-Иттиҳод» клуби ивуарлик футболчига ҳафтасига 200 минг фунт (226 минг евро) маош беришга тайёр.
Уильфрид Заха шу пайтгача Англиядан ташқарида ўйнамаган. «Кристал Пэлас» сафида ҳужумчи 452 та ўйин ўтказиб, 89 та гол урган ва 76 та голли узатмани амалга оширган.
