Инсайдер Фабрицио Романо «РБ Лейпциг» вингери Ян Диоманденинг Мадриднинг «Реал» клубига ўтиши бўйича маълумот бўлишди. Битимнинг барча шартлари келишиб бўлинган, аммо клублар ивуарлик иқтидор эгасининг трансферини эълон қилишга шошилмаяпти.
«Мендан Диоманде трансфери нега ҳали расман тасдиқланмагани ҳақида тез-тез сўрашади. Музокараларга яқин манбаларнинг таъкидлашича, «РБ Лейпциг» ўйинчини сотишдан олдин унинг ўрнига муносиб ўринбосар топмоқчи. Келишувга эришиб бўлинган», – дейди Романо Madrid Zone манбасига асосланиб.
«Реал» Ян Диоманде учун 130 миллион евродан ортиқ маблағ тўлайди. «Қаймоқранглилар» 19 ёшли истиқболли юлдуз учун курашда «ПСЖ», «Ливерпуль» ва Европанинг бошқа гранд клубларини ортда қолдирди.
