«Манчестер Сити» ярим ҳимоячиси Родри «Пари Сен-Жермен»га ўтишга унчалик иштиёқ билдирмаяпти.

Парижликлар вакиллари юлдузли испанияликни таклифни қабул қилишга кўндириш учун у билан бевосита боғланишга ҳаракат қилишди, бироқ Diario AS маълумотларига кўра, у рад жавобини берди: «Йўқ, раҳмат». 30 ёшли футболчи «ПСЖ» унга қандай шартларни таклиф қилишга тайёрлигини эшитишни ҳам истамади.

Илгари бир неча бор хабар берилганидек, Родри Мадриднинг «Реал» клубига ўтишни хоҳлайди. «Қаймоқранглилар» томонидан расмий таклиф яқин орада тушиши мумкин.

Футболчининг «шаҳарликлар» билан амалдаги шартномаси 2027 йилнинг ўрталарида тугайди. Ярим ҳимоячи ҳозирча шартномани узайтириш бўйича музокаралар олиб боришни режалаштирмаяпти.