«Manchester Siti» yarim himoyachisi Rodri «Pari Sen-Jermen»ga o‘tishga unchalik ishtiyoq bildirmayapti.
Parijliklar vakillari yulduzli ispaniyalikni taklifni qabul qilishga ko‘ndirish uchun u bilan bevosita bog‘lanishga harakat qilishdi, biroq Diario AS ma’lumotlariga ko‘ra, u rad javobini berdi: «Yo‘q, rahmat». 30 yoshli futbolchi «PSJ» unga qanday shartlarni taklif qilishga tayyorligini eshitishni ham istamadi.
Ilgari bir necha bor xabar berilganidek, Rodri Madridning «Real» klubiga o‘tishni xohlaydi. «Qaymoqranglilar» tomonidan rasmiy taklif yaqin orada tushishi mumkin.
Futbolchining «shaharliklar» bilan amaldagi shartnomasi 2027 yilning o‘rtalarida tugaydi. Yarim himoyachi hozircha shartnomani uzaytirish bo‘yicha muzokaralar olib borishni rejalashtirmayapti.
