La Gazette dello Sport nashri xabariga ko‘ra, «Inter» va «Milan» joriy mavsumda «Reyms»da ijara asosida to‘p tepayotgan «Arsenal» hujumchisi Falorin Balogunga qiziqish bildirmoqda.

Manba bergan xabarga ko‘ra, Italiyaning ikkala klubi ham yozgi transfer oynasida 21 yoshli angliyalik futbolchini qo‘lga kiritishga harakat qilish niyatida.

2022/23 yilgi mavsumda Balogun «Reyms» safida 28 ta o‘yinda maydonga tushib, 17 ta gol urdi va 2 ta golli uzatmani amalga oshirdi. Mavsum oxirida futbolchi «Arsenal»ga qaytishi kerak bo‘ladi.

Transfermarkt.com portali hujumchining narxini 14 million yevroga baholamoqda.