Superliga 3-turidan o‘rin olgan “Metallurg” – “Qizilqum” uchrashuvidan keyingi matuot anjumanida mezbonlar bosh murabbiyi Luisma Ernandes o‘z fikrlarini bildirib o‘tdi.

“Bugungi o‘yinga bir hafta davomida tayyorgarlik ko‘rdik. O‘tgan bahslarda yo‘l qo‘yilgan xatolardan xulosa chiqarib, qattiq mehnat qildik va g‘alabaga erishdik.

Kelgusi bellashuvlarga nafaqat texnik-taktik jihatdan, balki ruhiy jihatdan ham tayyorgarlik ko‘ramiz. Zero, o‘tgan ikki uchrashuvda futbolchilarimiz asablarini jilovlay olmagani sabab maydonda 10 kishi qolgan edik. Bugun raqib jamoada ham xuddi shunday holat sodir bo‘ldi.

Kelgusi turda amaldagi chempion “Paxtakor”ga qarshi bahs olib boramiz. “Sherlar” Bekobodga g‘alaba uchun kelishlari aniq. Lekin, biz ham ularga munosib qarshilik ko‘rsatishga harakat qilamiz”, – dedi Ernades.