Суперлига 3-туридан ўрин олган “Металлург” – “Қизилқум” учрашувидан кейинги матуот анжуманида мезбонлар бош мураббийи Луисма Эрнандес ўз фикрларини билдириб ўтди.

“Бугунги ўйинга бир ҳафта давомида тайёргарлик кўрдик. Ўтган баҳсларда йўл қўйилган хатолардан хулоса чиқариб, қаттиқ меҳнат қилдик ва ғалабага эришдик.

Келгуси беллашувларга нафақат техник-тактик жиҳатдан, балки руҳий жиҳатдан ҳам тайёргарлик кўрамиз. Зеро, ўтган икки учрашувда футболчиларимиз асабларини жиловлай олмагани сабаб майдонда 10 киши қолган эдик. Бугун рақиб жамоада ҳам худди шундай ҳолат содир бўлди.

Келгуси турда амалдаги чемпион “Пахтакор”га қарши баҳс олиб борамиз. “Шерлар” Бекободга ғалаба учун келишлари аниқ. Лекин, биз ҳам уларга муносиб қаршилик кўрсатишга ҳаракат қиламиз”, – деди Эрнадес.