«Napoli» markaziy hujumchisi Viktor Osimxen Yevropaning boshqa klubiga o‘tishga tayyor. Bu haqda Goal.com portali o‘z sahifalarida xabar berdi.

Manbaning xabariga ko‘ra, nigeriyalik futbolchi o‘zini Angliya premyer-ligasida sinab ko‘rmoqchi, unga «Chelsi» va «Manchester Yunayted» qiziqish bildirmoqda. Shuningdek, Osimxen faoliyatini «Bavariya»da davom ettirish variantidan bosh tortmaydi.

24 yoshli hujumchi joriy mavsumda 23 ta o‘yinda maydonga tushib, 21 ta gol va 4 ta golli uzatmani amalga oshirdi. Uning transfer narxi 70 million yevro.