«Наполи» марказий ҳужумчиси Виктор Осимхен Европанинг бошқа клубига ўтишга тайёр. Бу ҳақда Goal.com портали ўз саҳифаларида хабар берди.
Манбанинг хабарига кўра, нигериялик футболчи ўзини Англия премьер-лигасида синаб кўрмоқчи, унга «Челси» ва «Манчестер Юнайтед» қизиқиш билдирмоқда. Шунингдек, Осимхен фаолиятини «Бавария»да давом эттириш вариантидан бош тортмайди.
24 ёшли ҳужумчи жорий мавсумда 23 та ўйинда майдонга тушиб, 21 та гол ва 4 та голли узатмани амалга оширди. Унинг трансфер нархи 70 миллион евро.
