Мадриднинг «Реал» клуби марказий ҳимоячиси Рауль Асенсио жамоанинг янги бош мураббийи Жозе Моуриньонинг режаларига киритилмаган.
Португалиялик мутахассис 23 ёшли футболчининг ўзига мурожаат қилиб, унга ишонч билдирмаслигини маълум қилган, деб хабар беради журналист Альберто Перейро. Испаниялик ҳимоячи клубни тарк этишни истамаган эди, аммо, катта эҳтимол билан, ёзги трансфер ойнаси ёпилгунига қадар жамоадан кетишга мажбур бўлади.
Ўтган йилнинг июнь ойида Рауль Асенсио «Реал» билан 2031 йилгача мўлжалланган янги шартнома имзолаган эди. Transfermarkt портали футболчининг трансфер қийматини 20 миллион еврога баҳоламоқда, унга «Галатасарой» ва «Лацио» клублари томонидан қизиқиш билдирилмоқда.
