Мадриднинг «Реал» клуби «Манчестер Сити» ярим ҳимоячиси Родрини ўз сафига қўшиб олишни жиддий равишда ўйламоқда.
«Қироллик клуби» раҳбари Флорентино Перес узоқ вақт давомида 30 ёшли испаниялик футболчининг трансферига қарши чиққан эди, бироқ турли манбалар хабар берганидек, эндиликда у келишувни маъқуллашга тайёр. Журналист Альберто Перейронинг маълумотларига кўра, бош мураббий Жозе Моуриньо «шаҳарликлар» юлдузини ўз жамоасида кўришни хоҳлайди ва агар бу келишув амалга ошса, ундан мамнун бўлади.
Мавжуд маълумотларга кўра, Родрининг ўзи «Реал»да тўп суриш иштиёқида ёнмоқда, шунинг учун унинг ўзи билан келишувга эришиш қийинчилик туғдирмайди. Жаҳон чемпионининг «Манчестер Сити» билан амалдаги шартномаси келтирилган маълумотларга кўра кейинги йилнинг ёзида ўз ниҳоясига етади.
