Madridning «Real» klubi «Manchester Siti» yarim himoyachisi Rodrini o‘z safiga qo‘shib olishni jiddiy ravishda o‘ylamoqda.

«Qirollik klubi» rahbari Florentino Peres uzoq vaqt davomida 30 yoshli ispaniyalik futbolchining transferiga qarshi chiqqan edi, biroq turli manbalar xabar berganidek, endilikda u kelishuvni ma’qullashga tayyor. Jurnalist Alberto Pereyroning ma’lumotlariga ko‘ra, bosh murabbiy Joze Mourinyo «shaharliklar» yulduzini o‘z jamoasida ko‘rishni xohlaydi va agar bu kelishuv amalga oshsa, undan mamnun bo‘ladi.

Mavjud ma’lumotlarga ko‘ra, Rodrining o‘zi «Real»da to‘p surish ishtiyoqida yonmoqda, shuning uchun uning o‘zi bilan kelishuvga erishish qiyinchilik tug‘dirmaydi. Jahon chempionining «Manchester Siti» bilan amaldagi shartnomasi keltirilgan ma’lumotlarga ko‘ra keyingi yilning yozida o‘z nihoyasiga yetadi.