Англия Премьер-лигасида диққатга сазовор трансфер рекорди қайд этилди.

22 июль ҳолатига кўра, АПЛда трансфер суммаси 100 миллион фунт стерлингдан (115 миллион евро) ошадиган учта трансфер амалга ошириб бўлинди. Булар — Сандро Тоналининг «Ньюкасл»дан «Тоттенҳэм»га, Эллиот Андерсоннинг «Ноттингем Форест»дан «Манчестер Сити»га ва Морган Рожерснинг «Астон Вилла»дан «Челси»га ўтишидир.

BBC нашрининг қайд этишича, илгари ҳеч қачон бундай ҳолат кузатилмаган. Трансфер ойнаси ёпилгунига қадар бундай йирик битимлар сони янада ортиши мумкин.

Эслатиб ўтамиз, 2025 йилнинг ёзида АПЛда шундай иккита трансфер амалга оширилган эди: Флориан Вирц «Байер»дан, Александер Исак эса «Ньюкасл»дан «Ливерпуль»га кўчиб ўтган эди.