«Барселона» ва Мадриднинг «Атлетико» клублари ушбу трансфер ойнасида ҳужумчиларни ўзаро алмаштириши мумкин.
«Матрасчилар» Хулиан Альваресни каталонияликларга сотмоқчи эмас, аммо Ферран Торресни ўз сафига қўшиб олишдан манфаатдор. Журналист Жота Жордининг хабар беришича, агар испаниялик футболчи «Атлетико» таклифига розилик берса, аргентиналик форвард айнан эртаси куниёқ қарама-қарши йўналишда («Барселона»га) кўчиб ўтади.
Transfermarkt портали Торреснинг трансфер қийматини 50 миллион еврога, Альваресни эса 100 миллион еврога баҳоламоқда. Иккала футболчи ҳам ҳозирда 26 ёшда.
Айнан Ферран яқинда бўлиб ўтган Испания ва Аргентина ўртасидаги Жаҳон чемпионати финалида ягона ҳамда ғалаба голига муаллифлик қилган эди.
