«Manchester Siti» Angliya terma jamoasi va Dortmundning «Borussiya» klubi yarim himoyachisi Jud Bellingemni qo‘lga kirita olishiga ishonmoqda. Bu haqda ESPN xabar beradi.
Manbaga ko‘ra, 19 yoshli futbolchi «shaharliklar»ning yozgi transfer oynasidagi asosiy maqsadlaridan biri hisoblanadi. Shu bilan birga, «Borussiya» futbolchini keyingi mavsumda ham jamoada qolishini istaydi.
Bellingem xizmatlariga «Manchester Siti»dan tashqari «Real», «Liverpul» va «Manchester Yunayted» klublari qiziqish bildirmoqda.
Joriy mavsumda Jud Bundesliganing 24 ta uchrashuvida 4 ta gol urdi va 4 ta golli uzatmani amalga oshirdi. Uning transfer narxi 110 million yevroga baholanmoqda.
