«Манчестер Сити» Англия терма жамоаси ва Дортмунднинг «Боруссия» клуби ярим ҳимоячиси Жуд Беллингемни қўлга кирита олишига ишонмоқда. Бу ҳақда ESPN хабар беради.
Манбага кўра, 19 ёшли футболчи «шаҳарликлар»нинг ёзги трансфер ойнасидаги асосий мақсадларидан бири ҳисобланади. Шу билан бирга, «Боруссия» футболчини кейинги мавсумда ҳам жамоада қолишини истайди.
Беллингем хизматларига «Манчестер Сити»дан ташқари «Реал», «Ливерпуль» ва «Манчестер Юнайтед» клублари қизиқиш билдирмоқда.
Жорий мавсумда Жуд Бундеслиганинг 24 та учрашувида 4 та гол урди ва 4 та голли узатмани амалга оширди. Унинг трансфер нархи 110 миллион еврога баҳоланмоқда.
