Argentina terma jamoasi hujumchisi Lionel Messi Panamaga qarshi o‘rtoqlik o‘yinidan so‘ng Jahon chempionligi haqida fikr bildirdi. Uning so‘zlariga ko‘ra, Leo chempionlikkacha ko‘p azob chekkan.
"Argentina terma jamoasi juda ko‘p narsani boshdan kechirdi. Shaxsan men juda ko‘p azob chekdim. Bu oson emas edi. Terma jamoaga qanday kelganimni eslayman va nimadir amalga oshmay qolgani uchun juda xavotirda edim, yutqazilgan finallar, Amerika kubogi, mayda-chuydalar tufayli g‘alaba qozona olmagan Jahon chempionati haqida ko‘p marta o‘ylagandim. Endi biz boshdan kechirgan hamma narsa ortda qoldi. Bizning mukofotimiz katta bo‘ldi", - dedi argentinalik hujumchi.
