Аргентина терма жамоаси ҳужумчиси Лионель Месси Панамага қарши ўртоқлик ўйинидан сўнг Жаҳон чемпионлиги ҳақида фикр билдирди. Унинг сўзларига кўра, Лео чемпионликкача кўп азоб чеккан.

"Аргентина терма жамоаси жуда кўп нарсани бошдан кечирди. Шахсан мен жуда кўп азоб чекдим. Бу осон эмас эди. Терма жамоага қандай келганимни эслайман ва нимадир амалга ошмай қолгани учун жуда хавотирда эдим, ютқазилган финаллар, Америка кубоги, майда-чуйдалар туфайли ғалаба қозона олмаган Жаҳон чемпионати ҳақида кўп марта ўйлагандим. Энди биз бошдан кечирган ҳамма нарса ортда қолди. Бизнинг мукофотимиз катта бўлди", - деди аргентиналик ҳужумчи.