Germaniya Bundesligasining «Kyoln» klubiga keyingi ikki transfer davrida futbolchilarni ro‘yxatdan o‘tkazish taqiqlandi, deb xabar bermoqda Kicker sayti FIFAga tayanib.
Jazo sababi sloveniyalik hujumchi Yaka Kuberning o‘tgan yili «Kyoln»ga o‘tishini rasmiylashtirishdagi qoida buzilgani sifatida keltirildi.
Taxminlarga ko‘ra, o‘sha paytda «echkilar» 16 yoshli futbolchini o‘z safiga erkin agent sifatida qo‘shib olish va Sloveniya klubiga tovon to‘lamaslik uchun «Olimpiya» bilan shartnomani bekor qilishga undagan.
Kuber zudlik bilan to‘rt oyga diskvalifikasiya qilindi, «Kyoln» esa «Olimpiya»ga 54 ming yevro jarima to‘lashi kerak. Nemis klubi 21 kun ichida Sport arbitraj sudiga shikoyat qilishi mumkin.
