"Barselona" vingeri Ansu Fati jamoasining navbatdagi "Elche"ga qarshi o‘yinini asosiy tarkibda boshlaydi. Diario AS xabariga ko‘ra, "Barselona" bosh murabbiyi Xavi Ernandes La Liganing navbatdagi turida rotasiya qilishni rejalashtirmoqda, chunki asosiy jamoaning ko‘plab futbolchilari terma jamoadagi tanaffusdan charchab qaytishgan.
Eslatib o‘tamiz, Fati joriy mavsumda "Barselona"dagi holatidan norozi, chunki u deyarli o‘yin vaqtini olmayapti. Kecha futbolchining otasi hatto shov-shuvli intervyu berib, bosh murabbiy Xavi Ernandesni tanqid qilgandi.
Ansu La Liganing ushbu mavsumida uchta gol va golli uzatmani o‘z hisobiga yozib qo‘ydi.