"Барселона" вингери Ансу Фати жамоасининг навбатдаги "Эльче"га қарши ўйинини асосий таркибда бошлайди. Diario AS хабарига кўра, "Барселона" бош мураббийи Хави Эрнандес Ла Лиганинг навбатдаги турида ротация қилишни режалаштирмоқда, чунки асосий жамоанинг кўплаб футболчилари терма жамоадаги танаффусдан чарчаб қайтишган.
Эслатиб ўтамиз, Фати жорий мавсумда "Барселона"даги ҳолатидан норози, чунки у деярли ўйин вақтини олмаяпти. Кеча футболчининг отаси ҳатто шов-шувли интервью бериб, бош мураббий Хави Эрнандесни танқид қилганди.
Ансу Ла Лиганинг ушбу мавсумида учта гол ва голли узатмани ўз ҳисобига ёзиб қўйди.