«Барселона» грециялик ҳужумчи Вангелис Павлидиснинг ўйинини диққат билан кузатиб бормоқда. Каталония клуби раҳбарияти Португалиянинг «Бенфика» клуби футболчисини Ферран Торрес жамоани тарк этган тақдирда ёки Мадриднинг «Атлетико»сидан Хулиан Альварес трансфери амалга ошмай қолса, муқобил вариант сифатида кўрмақда. Бу ҳақда AS нашри хабар беради.
Манбанинг маълумотига кўра, 27 ёшли форвард «Барселона»нинг шорт-листидан ўрин олган. Бу трансферни амалга ошириш жуда мураккаб кечиши мумкин, чунки яқинда Европада Лигаси саралаш ўйинида 4 та гол урган ўз етакчисини «Бенфика» қўйворишни истамаяпти.
Ўтган мавсумда Павлидис ўз ҳисобига 30 та гол ёздириб қўйиб, жамоасининг энг яхши тўпурарига айланганди, шунингдек, 6 та голли узатмага муаллифлик қилган. Transfermarkt портали грециялик ҳужумчини 28 миллион еврога баҳоламоқда.
