Криштиану Роналду Португалия терма жамоаси бош мураббийи Жорже Жезуш билан можародан сўнг жамоа қароргоҳини тарк этган эди. Машҳур инсайдер Фабрицио Романо ушбу вазият тафсилотларини маълум қилди.

"Криштиану Роналду жуда қаттиқ ранжиган. У Жорже Жезуш унга ҳиёнат қилганини ҳис қилмоқда. Мураббий уни 30 дақиқа давомида қиздириш машқларини қилдирди, аммо барибир майдонга туширмади. Роналду Жезуш билан гаплашган, мураббий эса очиқчасига узр сўрашга тайёрлигини билдирган, бироқ кейин бундай қилмаган.

Бунинг ўрнига у таркибни ўзи белгилашни исташи ҳақида гапира бошлаган. Айнан шу пайтда улар ўртасидаги муносабатлар бутунлай бузилган ва Роналду жамоа қароргоҳини тарк этган.

Ҳозир вазият жуда кескин. Энди Роналду кейин қандай йўл тутишини ўзи ҳал қилиши керак. Жезуш ҳам яқин вақт ичида бу вазият бўйича фикр билдиради. Роналду ва терма жамоа ўртасидаги муҳит ҳозир жуда таранг", — дея Романонинг сўзларини The Touchline келтирди.

Португалия терма жамоаси навбатдаги учрашувини 4 октябрь куни ўз майдонида Норвегияга қарши ўтказади.