Дания терма жамоаси ҳужумчиси Расмус Хёйлунд Миллатлар лигасида Португалияга қарши ўйинда голини қандай нишонлагани ҳақида гапирди.
"Наполи" футболчиси учрашувнинг 53-дақиқасида гол урди, аммо бу Данияни 2:4 ҳисобидаги мағлубиятдан қутқара олмади.
Португалия эса ўйиндан бир кун олдин бош мураббий Жорже Жезуш билан можаро сабаб терма жамоа қароргоҳини тарк этган Криштиану Роналдусиз ғалаба қозонди.
"Бу кеча содир бўлган воқеалардан кейин терма жамоадаги фаолияти эҳтимол якунланган инсонга ҳурмат белгиси эди. Мен шунчаки унга яна бир бор эҳтиромимни билдирмоқчи бўлдим. Португалияга нисбатан ҳеч қандай ҳурматсизлик бўлмаган. Роналду — менинг кумирим", — дея Хёйлуннинг сўзларини Al Nassr Zone келтирди.
Якшанба куни Дания терма жамоаси сафарда Уэльсга қарши майдонга тушади.
