Криштиану Роналдунинг Португалия терма жамоаси қароргоҳини ўзбошимчалик билан тарк этгани билан боғлиқ можаро ҳали ҳам долзарблигича қолмоқда.
Жума куни Португалия терма жамоаси Миллатлар лигасида Дания устидан меҳмонда қозонилган ғалабадан сўнг Порту шаҳрига қайтиб келди. Аэропортда йиғилган мухлислар икки лагерга бўлинди.
Уларнинг айримлари бош мураббий Жорже Жезушга норозилик билдириш учун келган эди. Бу мухлислар мутахассисни Роналдуни асосий таркиб футболчиси сифатида кўрмаслик қарори учун қаттиқ ҳақорат қилди.
Шу билан бирга, Роналдуга қарши фикр билдирган мухлислар ҳам бор эди. Натижада тарафдорлар ўртасида тортишувлар ва тўқнашувлар бошланди.
A Bola нашри хабарига кўра, вазиятни тинчлантириш учун полиция аралашишига тўғри келган.
