Мадриднинг «Реал» клуби ҳужумчиси Винисиус Жуниор «Арсенал»га ўтиш арафасида турибди. Бу ҳақда Sports.kz хабар бермоқда.
Манба маълумотига кўра, Лондон клуби бразилиялик футболчи билан алоқа ўрнатиб, шахсий шартнома шартлари бўйича келишувга эришган. HandofArsenal нашрининг ёзишича, «Арсенал» Винисиусга жуда йирик молиявий таклиф билан чиққан.
Эслатиб ўтамиз, Винисиус ҳозирча «Реал» билан янги шартнома бўйича келишувга эриша олмаяпти. Аввалроқ мадридликлар футболчига сўнгги таклифини бергани ва уни бошқа яхшиламаслигини маълум қилган эди.
Агар Винисиус ушбу таклифни қабул қилса, янги шартнома имзоланади. Акс ҳолда, «Реал» уни келаси йил текинга йўқотмаслик учун жорий трансфер ойнасида сотиш вариантини кўриб чиқади.
