«Roma» hujumchisi Temmi Abraxam Italiyaning boshqa bir klubi nishoniga tushdi.
Jurnalist Ekrem Ko‘nurga ma’lum bo‘lishicha, «Milan» angliyalik futbolchining transferini amalga oshirmoqchi. «Rossonerilar» lagerida Abraxam belgiyalik Divok Origiga o‘rinbosar sifatida ko‘rilmoqda.
Avvalroq OAV Temmiga Birmingemning «Aston Villa» va Londonning «Chelsi» klublari ham qiziqish bildirayotgani haqida xabarlar tarqatgandi. 25 yoshli futbolchining narxi 45 million yevroga baholanmoqda.
Hujumchi joriy mavsum Italiya chempionatida 27 ta o‘yinda maydonga tushdi. Angliyalik futbolchi hisobiga oltita gol va uchta golli uzatma bor.