«Рома» ҳужумчиси Тэмми Абрахам Италиянинг бошқа бир клуби нишонига тушди.

Журналист Экрем Кўнурга маълум бўлишича, «Милан» англиялик футболчининг трансферини амалга оширмоқчи. «Россонерилар» лагерида Абрахам бельгиялик Дивок Оригига ўринбосар сифатида кўрилмоқда.

Аввалроқ ОАВ Тэммига Бирмингемнинг «Астон Вилла» ва Лондоннинг «Челси» клублари ҳам қизиқиш билдираётгани ҳақида хабарлар тарқатганди. 25 ёшли футболчининг нархи 45 миллион еврога баҳоланмоқда.

Ҳужумчи жорий мавсум Италия чемпионатида 27 та ўйинда майдонга тушди. Англиялик футболчи ҳисобига олтита гол ва учта голли узатма бор.