«Реал»га яқинлиги билан танилган журналист Аранча Родригес жамоанинг мавсум бошидаги тахминий асосий таркиби қандай кўринишда бўлиши мумкинлигини маълум қилди, деб ёзмоқда Sports.kz.

«Менимча, “Реал” янги мавсумни 4-2-3-1 схемаси бўйича бошлайди: Куртуа — Кукурелья, Конате, Рюдигер, Александер-Арнольд — Силва, Вальверде — Винисиус, Беллингем, Диоманде — Мбаппе», — деб ёзди Родригес ижтимоий тармоқда.

Биринчи расмий ўйинни «Реал» 2026/27 йилги мавсумда 22 августдан 23 августга ўтар кечаси ўтказади. Мадридликлар Испания чемпионати 1-турида сафарда «Эспаньол»га қарши майдонга тушади.

Шундан сўнг сентябрь ойига қадар Жозе Моуриньо шогирдлари Ла Лигада ўз майдонида икки учрашув ўтказади — «Реал Сосьедад» ва «Малага»га қарши.