«Real»ga yaqinligi bilan tanilgan jurnalist Arancha Rodriges jamoaning mavsum boshidagi taxminiy asosiy tarkibi qanday ko‘rinishda bo‘lishi mumkinligini ma’lum qildi, deb yozmoqda Sports.kz.

«Menimcha, “Real” yangi mavsumni 4-2-3-1 sxemasi bo‘yicha boshlaydi: Kurtua — Kukurelya, Konate, Ryudiger, Aleksander-Arnold — Silva, Valverde — Vinisius, Bellingem, Diomande — Mbappe», — deb yozdi Rodriges ijtimoiy tarmoqda.

Birinchi rasmiy o‘yinni «Real» 2026/27 yilgi mavsumda 22 avgustdan 23 avgustga o‘tar kechasi o‘tkazadi. Madridliklar Ispaniya chempionati 1-turida safarda «Espanyol»ga qarshi maydonga tushadi.

Shundan so‘ng sentyabr oyiga qadar Joze Mourinyo shogirdlari La Ligada o‘z maydonida ikki uchrashuv o‘tkazadi — «Real Sosyedad» va «Malaga»ga qarshi.