"Real" hujumchisi Mariano Diasning agenti mijozi faoliyatini qayerda davom ettirishi mumkinligini aytdi.
Eslatib o‘tamiz, hujumchi mavsum yakunida "qirollik klubi" bilan shartnomasini tugatadi.
"Mening mijozimga Premyer-liga, A Seriya va Bundesliga klublaridan qiziqish bor. Mariano universal o‘yinchi ekanligi sababli, unga har doim Yevropada talab katta. U o‘zini baxtli his qiladigan jamoa topmoqchi. Bu uning "Real"da baxtsiz ekanligini anglatmaydi, lekin uning shartnomasi tugayapti. Yangi jamoa tanlashda ko‘p holatlarni hisobga olishimiz kerak. Bizga har uch oyda bir yangi qiziquvchi klub murojaat qiladi" - dedi Diasning agenti Bolavip bergan intervyusida.
