"Реал" ҳужумчиси Мариано Диаснинг агенти мижози фаолиятини қаерда давом эттириши мумкинлигини айтди.
Эслатиб ўтамиз, ҳужумчи мавсум якунида "қироллик клуби" билан шартномасини тугатади.
"Менинг мижозимга Премьер-лига, А Серия ва Бундеслига клубларидан қизиқиш бор. Мариано универсал ўйинчи эканлиги сабабли, унга ҳар доим Европада талаб катта. У ўзини бахтли ҳис қиладиган жамоа топмоқчи. Бу унинг "Реал"да бахтсиз эканлигини англатмайди, лекин унинг шартномаси тугаяпти. Янги жамоа танлашда кўп ҳолатларни ҳисобга олишимиз керак. Бизга ҳар уч ойда бир янги қизиқувчи клуб мурожаат қилади" - деди Диаснинг агенти Bolavip берган интервьюсида.
