"Real Madrid" bosh murabbiyi Karlo Anchelottining fikricha, uning uchta yulduz shogirdi jamoa bilan shartnomani uzaytiradi va keyingi mavsumda qoladi.

"Menimcha, Modrich, Kroos va Benzema keyingi mavsumda "Real"da o‘ynaydi. Ularning o‘ziga xos sifati bor, transfer bozorida bunaqasini topa olmaysiz. Ular har qanday muammoni hal qilishga qodir. Bu futbolchilarning barchasi klub bilan yangi kelishuvlarini muhokama qilishmoqda”, dedi Anchelotti matbuot anjumanida.

Eslatib o‘tamiz, Kroos, Benzema va Modrichning shartnomalari mavsum oxirida yakuniga yetadi. Benzema barcha musobaqalardagi so‘nggi ikki o‘yinda oltita gol urgan.