Calciomercatoweb xabariga ko‘ra, "Chelsi" "Atletiko Madrid" hujumchisi Joau Feliksning ijara shartnomasini to‘liq transferga aylantirish uchun barcha yo‘llarni ko‘rib chiqmoqda.

Manba bergan xabarga ko‘ra, "ko‘klar" Madrid klubiga Romelu Lukaku va almashuv shartnomasi doirasida qo‘shimcha 80 million yevro to‘lashni taklif qilishga tayyor. Londonliklar yozgi transfer oynasida belgiyalik hujumchi bilan xayrlashmoqchi va portugaliyalik futbolchini qo‘lga kiritish yo‘llarini izlashda qat’iy harakat qilmoqda.

23 yoshli Feliks “Chelsi” safida 15 ta o‘yin o‘tkazib, 2 ta gol urgan. Transfermarkt ma’lumotlariga ko‘ra, hujumchining narxi 50 million yevroni tashkil qiladi. Futbolchining Madrid klubi bilan shartnomasi 2027 yilgacha mo‘ljallangan.