Karlo Anchelotti "Manchester Siti" o‘yinidagi o‘zgarishlar haqidagi savollarga javob berdi.
Madridning “Real” klubi Chempionlar ligasi yarim finalida "shaharliklar"ga qarshi bahs olib boradi.
- Erling Xolandning harakati Pep Gvardiolani "Manchester Siti" uslubini o‘zgartirishga undadimi?
- Jamoa biroz o‘zgardi, ammo baribir kuchliligicha qolmoqda. Doimgidek. Xoland kabi hujumchi gol uradi.
Ammo Chempionlar ligasi o‘yinlarida reja har doim bir xil - raqibdan yaxshiroq o‘ynash kerak.
- "Manchester Siti" ancha soddalashib ketdimi?
"Menimcha, "Real Madrid" va "Man Siti" - o‘z tarkibi sifatini hisobga olgan holda boshqacha o‘ynashi mumkin bo‘lgan jamoalar.
O‘ylashimcha, Gvardiola boshchiligidagi “Siti” o‘z uslubini butkul o‘zgartirmagan.
Qachonki sizda shunday kuchli hujumchi bo‘lsa, unda hujum uslubingiz biroz o‘zgaradi.
Lekin, “Real” – “Manchester Siti” o‘yini ham to‘pga egalik qilish, ham hujumga tezkor o‘tishlar asosida bo‘lishi mumkin.
"Real Madrid" juda hurmatli jamoa. Qachonki sizni hurmat qilishsa, bu yaxshi, lekin Gvardioladek murabbiy bu haqda gapirsa, bundan ham yaxshi bo‘ladi” - dedi “Real” bosh murabbiyi.
