Малайзия пойтахти Куала-Лумпур шаҳрида теннис бўйича мукофот жамғармаси 850.000 долларни ташкил этган "Малайзиан Опен” халқаро турнирида дастлабки босқич ўйинлари ўтказилди.
АТП таснифига кирувчи мазкур нуфузли мусобақада Ватанимиз шарафини ҳимоя қилаётган Денис Истомин яккалик баҳсларида дастлабки учрашувни турнирда 6-рақам остида сараланган испаниялик Пабло Андухарга қарши ўтказди ва икки сет якунларига кўра 6-3, 6-2 ҳисобида зафар қучди.
Энди ҳамюртимиз иккинчи босқичда россиялик Николай Давиденко билан баҳс олиб боради. Россиялик теннисчи дастлабки турда Санам Синҳни 7-5, 6-4 ҳисобида мағлубиятга учратган.
Шавкат Жалилов
Маданият ва спорт ишлари вазирлиги матбуот хизмат
