Sobiq "Oltin to‘p" sohibi Fabio Kannavaro "Milan"ning Chempionlar ligasi chorak finalida "Napoli"ga qarshi o‘yinidan hayratda.
Birinchi o‘yinda g‘alaba qozongan milanliklar javob o‘yinida durang o‘ynadi. Kannavaroning fikricha, neapolliklar o‘yinga optimal holatda yondashishmagan, qo‘shimchasiga, ularga biroz omad ham yetishmagan.
"Napoli" o‘yinga yo‘qotishlar bilan tashrif buyurdi, tarkibdagi mavjud futbolchilar esa charchab qolishdi. "Milan" - "Napoli"ga yomonlik qilish formulasini topgan klub. Tonali, Menyan, Ernandes, Leau - ularning barchasi g‘ayratli va ajoyib formada edi" - dedi Kannavaro pianetamilan.it bilan suhbatda.
