Dortmundning "Borussiya" klubi yarim himoyachisi Jud Bellingem "Real"ning kelasi mavsumdagi asosiy transfer maqsadi bo‘lib qolmoqda, deb xabar beradi Marca.
Klub so‘nggi 10 oy davomida ushbu o‘tish ustida ishlamoqda. Hozirda madridliklar bir yil avval “Monako”dan Orelyen Tchuameni bilan shartnoma imzolaganlarida qo‘llagan taktikasini qo‘llamoqchi – futbolchi bilan shaxsan uchrashib, uni “Real”ga o‘tishga ishontirmoqchi.
"Real Madrid" vakillari kelasi hafta Germaniyaga tashrif buyurib, Bellingem bilan uchrashadi. Shu bilan birga, madridliklar 150 million yevro to‘lashga tayyor emasliklarini tushunishmoqda.
Bellingem kelasi mavsum oxirigacha Dortmundning "Borussiya"sida qolishi mumkinligi haqida ma’lumotlar bor.













