Дортмунднинг "Боруссия" клуби ярим ҳимоячиси Жуд Беллингем "Реал"нинг келаси мавсумдаги асосий трансфер мақсади бўлиб қолмоқда, деб хабар беради Marca.
Клуб сўнгги 10 ой давомида ушбу ўтиш устида ишламоқда. Ҳозирда мадридликлар бир йил аввал “Монако”дан Орельен Тчуамени билан шартнома имзолаганларида қўллаган тактикасини қўлламоқчи – футболчи билан шахсан учрашиб, уни “Реал”га ўтишга ишонтирмоқчи.
"Реал Мадрид" вакиллари келаси ҳафта Германияга ташриф буюриб, Беллингем билан учрашади. Шу билан бирга, мадридликлар 150 миллион евро тўлашга тайёр эмасликларини тушунишмоқда.
Беллингем келаси мавсум охиригача Дортмунднинг "Боруссия"сида қолиши мумкинлиги ҳақида маълумотлар бор.
