Криштиану Роналдунинг ашаддий мухлиси ҳисобланган британиялик журналист Пирс Морган шарҳловчиларнинг 41 ёшли португалиялик марказий ҳужумчи шаънига айтган танқидларига муносабат билдирди.
«ВВС шарҳловчилари Хорватияга қарши кечган ўйиннинг катта қисмида Криштиануни танқид қилишди. Улар тинмай Роналдуни майдондан олиш кераклигини таъкидлашди. Бироқ шундан сўнг Роналду аввал инобатга олинмаган ажойиб гол урди, кейин эса 11 метрлик пенальтини аниқ амалга оширди. Шунда ҳам улар ундан янада кўпроқ нарса талаб қилишда давом этишмоқда. Бу жуда ачинарли кўринди», - деб ёзиб қолдирди журналист ижтимоий тармоқлардаги саҳифасида.
Португалия Хорватия устидан 2:1 ҳисобида ғалаба қозонди. Криштиану учрашувнинг энг яхши футболчиси деб топилди.
